Markaðsmaður ársins?
Ef þú nærð að koma þér í þá aðstöðu að kynna vöru eða þjónustu þína nákvæmlega þegar fólk þarf á henni að halda, er mjög líklegt að þú munir hafa erindi sem erfiði.
Þetta er sérstaklega mikilvægt ef þú ert að selja þjónustu eða vöru sem er með stóran/langan kauphring, þ.e. það líður langur tími milli kaupa.
Ég hef tekið eftir auglýsingum frá einum aðila sem eru þannig gerðar að ef þörf væri á þeirri þjónustu sem hann býður uppá, eru auglýsingarnar á nákvæmlega réttum stað.
Valur Helgason ehf. setur límmiða á salerni sem almenningur hefur aðganga að. Þetta eru einmitt þeir staðir þar sem mestar líkur eru á að þjónusta hans, stíflulosun, komi að notum.
Þetta er kannski ekki smekklegasta dæmið, en það er gott. Ef þú nærð til fólks þegar það er í kauphugleiðingum nærðu árangri. Þetta er ekki flókið, en Valur Helgason ehf. gerir þetta vel.
Guðrún I Hlíðar
May 31, 2010 at 2:40 pm
Mér finnst óþarfi að setja límmiðana beint á hreinlætistækin.Það eru lýti og sjónmengun
Hörður Harðarson
May 31, 2010 at 3:05 pm
Þetta eru almenningssalerni. Límmiðinn er ekki stærsta lýtið og er sjaldann það sem maður upplifir sem sjónmengun 🙂