Enn af Appelsín stríðinu mikla. Hvorum gagnast… frh.
Í framhaldi af fyrri vangaveltum um hvort ákveðin umfjöllun í fréttum Stöðvar 2 um “Stríðið á Appelsín markaðnum” gagnaðist Vífilfelli eða Ölgerðinni meira, velti ég upp hinu sama hér.
Fyrir nokkrum árum var búin til jólaauglýsing fyrir Malt og Appelsín frá Egils þar sem lokasetningin er:
“Ást við fyrstu sýn,
Egils Malt og Appelsín.”
Nú kemur Vífilfell með auglýsingu fyrir Hátíðar appelsínið sitt með frasanum:
“Þú sérð það strax, við fyrstu sýn,
Þetta er Hátíðar Appelsín”
Spurningin er hvort þetta er Vífilfelli til gagns?
- Er þetta gott grín?
- Ná þeir að pirra samkeppnisaðilann? (Oft skemmtilegt 🙂
- Ná þeir athygli sem þeir annars hefðu ekki náð (sbr. blog sem þetta)?
Sjá bæði auglýsingu Vífilfells og jólaauglýsingu Malt og Appelsín hér f. neðan.
Davíð Lúther
December 9, 2010 at 10:34 am
Hvað er samt málið með flöskuhálsinn, bakgrunnurinn ætti að vera appelsínugulur, er það ekki 🙂 ?
Pingback: Tweets that mention Enn af Appelsín stríðinu mikla. Hvorum gagnast …frh. « VERT-markaðsstofa -- Topsy.com
Jón Haukur
December 9, 2010 at 10:58 am
Í lok dagsins er það bragðið sem mun skipta mestu máli og Egils Appelsín rústar þeim bardaga þar sem hitt sullið er nánast bragðlaust í samanburði….
Hjalti R
December 9, 2010 at 12:34 pm
Eru Vífilfell að reyna að markaðssetja sig sem gæðadrykk eða að selja þetta sem ódýrt appelsín? Fyrstu viðbrögð mín við þessari vöru, umbúðum og öllu því viðkomandi, er að hér sé verið að setja Bónus appelsín í kókflösku (flaskan er greinilega sú sama). Ég myndi kaupa þetta fyrir jólaboðið til að spara pening, en ég myndi aldrei skipta út Egils Appelsíni við jólaborðið..
Það er kannski það sem Vífilfell er að reyna að gera, stela smá bita af kökunni, en með þessari vöru eru þeir aldrei að fara að velta Appelsín úr sessi sem hátíðardrykkurinn.
Katrín M.Ólafsdóttir
December 9, 2010 at 1:25 pm
Það fangar alltaf augun mín,að mér finnst vanta á flöskuna frá fellinu..Hin er snilld góð hver sem hannaði hana.
Pingback: Hátíðar Appelsín |Hello Icelandic Advertising