Ég er reyndur markaðsmaður sem hef stýrt stórum markaðsdeildum, auk þess hef ég starfað sem markaðsráðgjafi hjá mínu eigin ráðgjafafyrirtæki undanfarinn áratug. Þetta hefur gefið mér einstakt tækifæri til að þróa, uppfæra og móta mörg ólík vörumerki í mismunandi starfsgreinum. Sem stjórnandi og markaðsráðgjafi hef ég skrifað og innleitt markaðsstefnur og áætlanir fjölda vörumerkja og þannig kynnst mismunandi mörkuðum og markaðsaðstæðum. Ég hef mikinn áhuga á samspili markaðs- og sölustarfs. Sérstaklega hvernig nýta má stafrænt markaðsstarf til að búa til sölutækifæri. Til að auka sérhæfni í stafrænni- og efnismarkaðssetningu gerðist ég vottaður HubSpot sérfræðingur. Allan starfsferil minn hef ég kennt markaðsfög í Háskólum landsins.